請提供以下資料




主頁       應用程式及服務       來電管家
來電管家
來 電 由 你 話 事
基本功能【適用於來電管家(完整版)及(簡易版)之客戶】
  • 問1如果我同時申請咗來電管家同接駁鈴聲服務,咁來電者會唔會聽到我的接駁鈴聲?
    答1

    會。如果來電被接通,來電者一樣可以聽到接駁鈴聲。但如果來電已被來電管家阻截,來電者就唔會聽到接駁鈴聲, 而係聽到來電管家嘅系統訊息。

  • 問2如果我將電話飛線去其他號碼,咁來電管家仍然可以阻截果D滋擾電話嗎?
    答2

    打入有來電管家嘅號碼可以阻截滋擾來電,但打入另一個電話仍然會收到滋擾來電。

  • 問3如果我將電話飛線去一個有來電管家嘅號碼,服務會唔會幫到我阻截滋擾來電?
    答3

    會。所有滋擾來電如果經飛線去咗另一個有來電管家嘅號碼,就會被阻截。

  • 問4我可唔可以用WiFi連接來電管家app?
    答4

    無問題,只需經WiFi登入即可。

  • 問5我可唔可以睇番已攔截的電話記錄?
    答5

    可以。你可以透過來電管家app查閱最近30日內所攔截的電話記錄。

  • 問6來電管家支援邊幾個作業系統?
    答6

    iOS5.1.1或以上、Android2.2或以上、WindowsPhone7.5或以上同BlackBerry®6或以上嘅智能手機都可以用到來電管家。

其他功能【只適用於來電管家(完整版)之客戶】
  • 問1如果我取消咗來電管家服務,之後又再申請返,可唔可以用得返之前喺來電管家嘅電話名單?
    答1

    可以。我哋會幫你保留電話名單三個月。

  • 問2如果我將自己張SIM卡插去其他智能手機,我需唔需要再入過現時嘅電話名單?
    答2

    唔需要。由於你嘅電話名單已儲存喺雲端,你只須再次將來電管家app下載到其他智能手機,你嘅電話名單就會喺返度。

  • 問3當我啟用「只限VIP」功能後,咁其他已啟用嘅功能會唔會受影響?
    答3

    會,「只限VIP」功能會取代其他啟用中嘅功能,只容許「VIP來電名單」内嘅來電者打到畀你。

  • 問4當我啟用本地及海外嘅拒接停示來電後,點解我收唔到海外朋友嘅來電?
    答4

    由於某啲海外長途電話供應商嘅設定,海外親友嘅來電號碼可能會被停示。 而停示來電功能會將呢啲停示來電阻截。如果你想接聽呢啲海外停示來電,只需係拒接停示來電功能內, 關上拒接海外停示來電功能就可以。

  • 問5如果一個香港境外打入嘅電話無來電顯示,「海外來電提示」仲會唔會有語音提示?
    答5

    無論來電有無來電顯示,只要係來自香港境外,你都會聽到語音提示。

收費【適用於來電管家(完整版)及(簡易版)之客戶】
  • 問1我可唔可以喺海外用到來電管家?
    答1

    你可以喺本地同海外都用到來電管家。呢個服務唔會使用數據,除非你下載本程式、舉報來電#或更改阻截功能#。我哋建議你離港前,預先下載來電管家app並設定好所需嘅阻截功能#。如果你喺海外使用,將收取標準漫遊數據費用。 詳情請按此。要享受更超 值數據漫遊服務同更能掌握開支,我哋建議你登記漫遊數據日費計劃

    註:#只適用於來電管家(完整版)之客戶

阻截滋擾來電
  • 問1我想聽一個來電,但有關電話可能已經被來電管家嘅滋擾來電功能阻截,我可以點做?
    答1

    你只需將呢個電話加入阻截滋擾來電功能内的例外名單#

  • 問2我曾經舉報#過一個滋擾電話,被你哋審核為不合資格。但呢個來電對我非常滋擾,我可以點做?
    答2

    你可以將呢個號碼加入你自訂嘅個人化黑名單#

  • 問3你哋點樣保證你哋嘅滋擾來電名單無出現虛報情況?
    答3

    用戶只可以從最後接聽嘅五個號碼舉報#滋擾來電,而唔可以隨意舉報任何號碼,呢個做法已經可以大大減低虛報情況。 而所有被舉報嘅電話號碼亦會經我哋審核,以防止虛報同保障用戶權益。

    註:#只適用於來電管家(完整版)之客戶