旅遊數據咭 - 常見問題

漫遊數據買定SIM

旅遊數據卡，無需上台，任用漫遊數據，暢遊世界

亞太區 + 全球

係唔係任何用戶都可以用到「旅遊數據卡」?

無論你係唔係SmarTone客戶，都可以用到「旅遊數據卡」。

邊部手機或平板電腦可以用到「旅遊數據卡」?

任何手機、平板電腦或iPad都可以用到「旅遊數據卡」。

我可唔可以用「旅遊數據卡」打話音電話或發送短訊?

唔可以。「旅遊數據卡」只提供漫遊數據。

「旅遊數據卡」係唔係包括所有數據用途?

「旅遊數據卡」可以用作上網、收發電郵、用apps、VoIP同網絡共享(Tethering)，但唔包括點對點傳輸應用程式(P2P)、FTP文件共享及視訊會議攝影機。

使用「旅遊數據卡」前，須唔須要啟動數據卡?

唔須要，只要將卡插入任何手機或流動裝置，就可以即時用到。

當所有漫遊數據用量用完或有效期完結時，我可唔可以為「旅遊數據卡」增值?

你可以為「$88 中國內地、香港及澳門旅遊數據卡」或「$298 中國內地、香港及澳門旅遊數據卡」增值後加購漫遊日費組合，詳情請按此。增值功能不適用於「亞太旅遊數據卡」、「歐洲旅遊數據卡」、「美國、加拿大、澳洲及紐西蘭旅遊數據卡」。

「旅遊數據卡」所指一日嘅定義係指幾時至幾時?

一日嘅定義係指香港時間00:00至23:59。當使用漫遊數據，「旅遊數據卡」就會自動啟用。服務有效期為啟用當日起計至卡上可用日數之最後一日嘅香港時間23:59。

點解我要用「旅遊數據卡」，唔租WiFi蛋?

「旅遊數據卡」超值抵用，又同WiFi蛋一樣畀你同親友共享漫遊數據，更幫你省卻以下麻煩:

-出發前需要預訂及領取，及旅程完結後又需要交還WiFi蛋
-需要為WiFi蛋額外帶叉電器

我可唔可以更改語言設定?

可以! 你可透過以下方法為儲值卡更改語言設定:

廣東話: *111*13*2# 打出 (預設)

普通話: *111*13*3# 打出

英文: *111*13*1# 打出