使唔使自己打去停台？
完成喺SmarTone嘅登記後，你無需自行通知用緊嘅電訊商。
現有號碼要保持生效嗎？
轉台期間你嘅現有號碼要保持生效，你無需要主動打去電訊商取消現有號碼。
月費計劃用戶/儲值咭用戶可以轉台嚟SmarTone嗎？
月費計劃用戶：須確定你係登記本人，同埋確定舊台合約期已經完結或即將完結。
儲值咭用戶：須保持儲值咭未過期，咭內餘額不少於HK$1。
轉台手續需時約幾耐？
轉台手續一般約7日就完成，即係你最遲喺舊台合約完結日前7日登記，就可以喺指定日子轉用SmarTone嘅服務。
你亦可預先150日前登記SmarTone服務，完成手續及領取SIM咭後，就可以輕輕鬆鬆等喺指定日子啟用SmarTone服務。
*如果需要更改轉台日期，你可以喺收到SIM咭之後，到SmarTone網站跟我們WhatsApp銷售專員聯絡和跟進！
能保證現有號碼安全轉台？
轉台期間，號碼須保持喺生效狀態。我哋會用心處理每一個客戶要求，你嘅電話號碼對我哋嚟講係同樣重要！
如何選擇轉台日期？
記住要揀舊台合約完結日做轉台日， 揀啱日子就可以避免不必要嘅違約罰款！
真係唔知幾時到期？我哋建議你可以：
- 登入舊台網上賬戶/手機App查閱
- 去門市問職員/直接打電話去你用緊嘅台問
3香港熱線：1033
中國移動熱線：2945 8888
CSL熱線：2512 3123
香港寬頻熱線：128 100
上台要準備咩文件？
好簡單，只要香港身份證和地址證明就得！你可揀選心水服務計劃然後登記上台。
我個電話號碼登記機主唔係用我個名登記，可唔可以安排轉台到SmarTone？
如現有號碼登記者係你嘅家屬，請由該家屬填寫有關個人資料以作轉台之用。
儲值咭用戶可唔可以攜號轉台嚟SmarTone？
梗係可以啦！只要你係咭主本人，而儲值咭戶口內最少要有$1結餘以保持啟動狀態，並提供SIM咭上嘅ICCID號碼，就可以經SmarTone網站轉自己個儲值咭電話號碼過嚟SmarTone㗎喇！
已停台嘅流動電話號碼，可唔可以申請攜號轉台？
你可以先去你用緊嘅流動電話網絡商，辦理重開號碼手續，成功重開後就可以上SmarTone網站辦理轉台手續！
